Gujarat Railway - ટ્રેનમાં મોબાઇલ ફોનમાંમ્યુઝિકઅને ભજનો વગાડશો તો છ મહિનાની કેદ

ગયા વર્ષે સેન્ટ્રલ રેલ્વેએ ભજનો કે મોટા અવાજે ગીતો ગાવા કે પત્તા રમવાના ગુનાસર ૬૦૮ કેસ નાધ્યા હતા.

લોકલ તથા લાંબા અંતરથી ટ્રેનોમાં મોટા અવાજે મોબાઇલ ફોનના મ્યુઝિક અને ભજનો વગાડવામાં આવે છે. આ બાબતે કરવામાં આવેલી ફરિયાદોને પગલે રેલ્વેતંત્રએ ટ્રેનમાં આવુ મ્યુઝિક વગાડવા અને ભજનો ગાતા લોકોને સજા આપવાનું નક્કી કર્યું છે. હવેથી સહપ્રવાસીઓને મોટા અવાજના સંગીત કે ભજનો દ્વારા હેરાન કરતી વ્યકિતને છ મહિનાની જેલની સજા અથવા ૫૦૦ રૂપિયાનો દંડ અથવા બંને થઇ શકે છે. મોટા અવાજના સંગીતને લગતી ફરિયાદ માટે રેલ્વે સત્તાવાળાઓએ રેલ્વે પ્રવાસી હેલ્પલાઇન શરૂ કરી છે.

રેલ્વેના સૂત્રોએ જણાવ્યું કે ટ્રેનોમાં અવાજના સંગીતને લગતી ફરિયાદ કરવા આવનાર ફરિયાદીએ ફરિયાદની સાથે પૂરતી વિગતો આપવાની રહેશે.પ્રવાસીઓ માટે પ્રવાસી હેલ્પલાઇન શરૂ કરવામાં આવી છે.

જેમાં વેસ્ટર્નમાં ૯૦૦૪૪-૧૧૧૧૧ અને સેન્ટ્રલમાં ૯૦૦૪૪-૭૭૭૭૭ નંબર પર એસ.એમ.એસ. મોકલીને અથવા જીઆરપી હેલ્પલાઇનને ૯૮૩૩૩-૩૧૧૧૧ નંબર પર ફોન કરી શકાય.

પત્તા રમવાના ગુનાસર ૩૦૮ કેસ નાધાયા હતા અને તેમની પાસેથી ૧,૬૧,૭૫૦ રૂપિયાનો દંડ વસૂલ કર્યો હતો.આ વર્ષે ૯૪ પેસેન્જરો સામે કેસ નાધવામાં આવ્યા છે અને ૧૧,૧૫૦ રૂપિયાનો દંડ વસૂલવામાં આવ્યો છે.

જો કે હજુ સુધી કોઇ પેસેન્જરને લોકપમાં મૂકવામાં આવ્યો નથી. જો કે હવે એ બદલાશે અને ગુનો કરનાર પેસેન્જરને જેલમાં પણ મોકલવામાં આવશે.

Rajkot News - હાઇજેક બસ રેસ્ટોરાંમાણી શકાશે

હાઇજેકમાં જમવા માટે હાફટિકિટ રૂા. ૨૫૦ની અને કુલ ટિકિટનો ભાવ રૂ. ૪૫૦.

રંગીલા શહેર રાજકોટમાં ‘હાઇજેક’ નામની બસરેસ્ટોરાંમાં પોતાના ગ્રાહકોને દોઢ કલાકની લોન્ગ ડ્રાઇવ પર લઇ જઇને જમાડશે.

જમાડવા માટે કોઇ તમને દૂરદૂર સુધી બસમાં લઇ જાય એવી કલ્પના કયારેય કોઇએ કરી નહ હોય પણ રાજકોટવાસીઓ માટે આ કલ્પના હવે હકીકત બની છે.

રાજકોટમાં શરૂ થઇ ગયેલી ‘હાઇજેક’ નામની બસરેસ્ટોરાંમાં જમવા જનારાને લઇને આ બસ-રેસ્ટોરાં લોન્ગ ડ્રાઇવ પર જશે અને લોન્ગ ડ્રાઇવની મુસાફરી દરમિયાન આ બસમાં ભાત-ભાતના પકવાન પીરસવામાં આવી રહ્યા છે.

અત્રે ઊલ્લેખનીય બાબત એ છે કે અમેરિકા અને કૅનેડામાં આ પ્રકારની બસ-રેસ્ટોરા છે. સાઊથ ઈન્ડિયામાં પણ આ પ્રકારની બસ-રેસ્ટોરાં શરૂ થઇ છે.

‘હાઇજેક બસ રેસ્ટોરા’ દિવસમાં ફકત ત્રણ જ વખત ઊપડશે. બસની દરેક ટિ્રપ દોઢ કલાકની રહેશે. કિચન પણ બસમાં જ છે. રેસ્ટોરામાં ફિકસ એકાવન વાનગીઓ હશે. દિવસમાં ત્રણ ટાઇમ ઊપડનારી આ હાઇજેક
રેસ્ટોરાં ડબલડેકર બસમાં બનાવવામાં આવી છે. બંને ફલોર પર કુલ ૩૦ વ્યકિતની બેઠક વ્યવસ્થા છે.

રંગીલા રાજકોટ શહેરમાં આ ‘હાઇજેક’ બસ રસ્ટોરાં સાંજે ૭ વાગ્યા પછી શરૂ થશે.

Jamnagar City District - સરકારી શાળાઓમાં ૨૦૦ જગ્યા ખાલી

હાલારની સરકારી માધ્યમિક અને ઉચ્ચતર માધ્યમિક શાળાઓમાં શૈક્ષણિક અને બિનશૈક્ષણિક ૫૦૦માંથી ૨૦૦ જગ્યા ખાલી છે. જે કુલ મહેકમના ૪૦ ટકા હોવાથી અભ્યાસને ખુબ જ માઠી અસર પડી રહી છે.

જિલ્લાની સરકારી માધ્યમિક અને ઉ.મા. શાળાઓમાં શૈક્ષણિક તથા બિન શૈક્ષણિક કર્મચારીઓની અંદાજે કુલ ૫૦૦ જગ્યામાંથી ૨૦૦ જેટલી જગ્યાઓ ફેબ્રુઆરી-૨૦૧૧ સુધી ખાલી હોવાની ચોંકાવનારી રજૂઆત સાંસદ વિક્રમભાઇ માડમે ગુજરાતના શિક્ષણમંત્રીને કરી છે. જેમાં જણાવ્યું છે કે, આ ખાલી જગ્યાઓની સંખ્યા કુલ મહેકમના ૪૦ ટકા જેટલી છે.

દરેક શૈક્ષણિક વર્ષની શરૂઆતમાં બાળકો શાળામાં પ્રવેશ લે તે માટે શાળા પ્રવેશોત્સવની ઉજવણી કરવામાં આવે છે. પરંતુ આ બાળકો અભ્યાસમાં મધ્યાહને પહોંચે ત્યારે તેમને શિક્ષણ આપનાર કોઇ શિક્ષક શાળામાં ન હોય તેવી સ્થિતિને કારણે ભાવિ પેઢીને અધવચ્ચે અભ્યાસ છોડવો પડે છે. જામનગર શહેર-જિલ્લામાં સરકારી શાળાઓમાં આટલી જગ્યાઓ ખાલી હોવાથી જિલ્લાનું માધ્યમિક શિક્ષણ પાંગળુ હોવાનું જણાય છે.

સરેરાશ ૪૦ ટકા જેટલી જગ્યાઓ ખાલી હોય ત્યારે સરકારી શાળાઓમાં છાત્રોને કેવું શિક્ષણ મળતું હશે ? તે સ્વાભાવિક રીતે સમજાય તેવી બાબત છે.

અત્રે નોંધનિય છે કે, સરકારી શાળાઓમાં મોટેભાગે સામાજિક તથા શૈક્ષણિક પછાત વર્ગના વિદ્યાર્થીઓ અભ્યાસ કરતાં હોય છે.

જ્યારે ૨૦૦ જેટલી જગ્યાઓ ખાલી હોય તે ગંભીર બાબત છે. માટે આ બાબતે તાકીદે પગલાં લેવા અંતમાં જણાવ્યું છે.

From :- Divyabhaskar Gujarati Newspaper